Lajme nga Komuna

Komuna Dibër synon të japë një kontratë furnizimi për dorëzimin, shkarkimin, pozicionimin,instalimin, testimin dhe vënien në funksion të një linje të plotë dhe funksionale për seleksionimin e mbeturinave, në kuadër të projektit REWASTE në Dibër, me ndihmë financiare nga Programi Interreg VI-A IPA “Greqi – Maqedonia e Veriut 2021–2027”.

Dosja e tenderit është e disponueshme në:

Komuna Dibër, Rr. “8 Shtatori” nr. 72, Komuna Dibër
Email: rewaste@dibra.gov.mk
www.dibra.gov.mk

Afati për dorëzimin e ofertave është 09 nëntor 2026, ora 16:00, sipas kohës lokale të publikimit.
Çdo kërkesë për sqarim ose informacion shtesë duhet të paraqitet në përputhje me dosjen e
tenderit. Çdo sqarim, korrigjim ose informacion shtesë lidhur me këtë procedurë prokurimi do
të publikohet në faqen zyrtare të Komunës së Dibrës dhe do të komunikohet në përputhje me
dosjen e tenderit.

SHKARKOJ KËTU

REWASTE/DEBAR/SUPPLY/2026/02-R1

The Municipality of Debar intends to award a supply contract for the delivery, unloading,positioning, installation, testing and commissioning of one complete and operational waste sorting line within the framework of the REWASTE project in Debar with financial assistance from the Interreg VI-A IPA Programme “Greece – North Macedonia 2021–2027”.
The tender dossier is available from:
Municipality of Debar, Str. 8 Septemvri Nr 72, Municipality of Debar
Email: rewaste@dibra.gov.mk
www.dibra.gov.mk
The deadline for submission of tenders is 09 November 2026; 16:00 hrs, local publication time.
Any requests for clarification or additional information shall be submitted in accordance with the tender dossier. Any clarifications, corrigenda or additional information concerning this procurement procedure will be published on the Municipality of Debar website and
communicated in accordance with the tender dossier.

“The ReWaste project is implemented within the framework of the Interreg VI-A IPA Programme ‘Greece –
North Macedonia 2021–2027’ and is co-funded by the European Union at 80% and by national funds at 20%.”
“Projekti ReWaste zbatohet në kuadër të Programit Interreg VI-A IPA ‘Greqi – Maqedonia e Veriut 2021–2027’
dhe bashkëfinancohet nga Bashkimi Evropian në masën 80% dhe nga fondet kombëtare në masën 20%.”

Për Shoqatën e Bletarëve për dezinsektim, parandalim sistematik për zhdukjen e mushkonjave në territorin e Komunës së Dibrës

Të nderuar,

Në bazë të Ligjit për Mbrojtjen e Popullatës nga Sëmundjet Infektive („Gazeta Zyrtare e RMV“ nr. 66/2004, 139/2008 dhe 99/2009, 149/2014, 150/2015 dhe 37/2016), dhe në bazë të vendimit të Këshillit të Komunës së Dibrës për realizimin e dezinfektimit sistematik parandalues në territorin e Komunës së Dibrës si masë e përgjithshme kundër epidemisë, Kompania për prodhim, tregti dhe shërbime TRULI NOLEN NM LLC, rr. Mito Haxhivasilev Jasmin nr. 36, lok. 3, Shkup, paraqet njoftimin në vijim:

Njoftojmë të gjithë qytetarët që merren me bletari në zonën e Komunës së Dibrës se më 31.08.2026 (e hënë), ekipet e Kompanisë për prodhim, tregti dhe shërbime TRULI NOLEN NM LLC, rr. Mito Haxhivasilev Jasmin nr. 36, lok. 3, Shkup, do të kryejnë spërkatje dezinsektimi nga toka, me qëllim të shkatërrimit të mushkonjave.

Spërkatja do të bëhet në periudhën nga ora 18:00 deri në ora 06:00, me aparat ULV për spërkatje.

Dezinsektimi do të përfshijë sipërfaqet e gjelbra në Komunë, bregun e Liqenit të Dibrës, deponitë dhe zonat përreth, vendbanimin urban të Dibrës, si dhe pjesën tjetër të lokaliteteve të parapara në plan dhe program.

Kërkohet nga bletarët dhe kooperativat e bletarisë që të marrin masat e duhura për mbrojtjen e bletëve.

Në rast të kushteve të pafavorshme atmosferike (erë), dezinsektimi do të shtyhet për ditën tjetër të favorshme.

Për të gjitha informatat dhe pyetjet, numri i kontaktit në kompaninë TRULI NOLEN NM LLC është:

075 775 769

Me respekt,
Komuna e Dibrës

Kryetari i Komunës së Dibrës, z. Fisnik Mela, priti në një vizitë zyrtare U.D. Ambasadoren, znj. Nicole Varnes, e Ngarkuara me Punë në Ambasadën e Shteteve të Bashkuara të Amerikës në Shkup.

Një vizitë ndryshe, e zhvilluar në një atmosferë të ngrohtë dhe miqësore, ku znj. Varnes pati mundësinë të njohë nga afër bukuritë natyrore dhe mikpritjen e Dibrës.

Vizita nisi me një kafe pranë Liqenit të Dibrës dhe vijoi me një udhëtim me anije, duke shijuar peisazhin dhe bukuritë e veçanta të liqenit.

Gjatë vizitës u theksua rëndësia e bashkëpunimit dhe e marrëdhënieve të mira, si dhe promovimi i potencialeve turistike dhe natyrore të Komunës së Dibrës.

Komuna e Dibrës mbetet e përkushtuar për të krijuar ura bashkëpunimi dhe për të promovuar në vazhdimësi bukuritë, potencialet dhe mikpritjen e saj.

Një ditë e mbushur me energji, sport dhe emocion!

Sot Dibra dëshmoi edhe një herë se sporti bashkon, frymëzon dhe sjell gjallëri në qytetin tonë.

Me sukses përfundoi edicioni i Dibra Summer Run një aktivitet që solli bashkë qytetarë, sportdashës dhe pjesëmarrës të të gjitha moshave, duke krijuar një atmosferë të veçantë në rrugët e Dibrës.

Falënderojmë të gjithë pjesëmarrësit, organizatorët, vullnetarët dhe të gjithë ata që kontribuuan në realizimin e këtij aktiviteti.

Vazhdojmë të krijojmë aktivitete që i japin qytetit tonë më shumë jetë, energji dhe mundësi për të gjithë.

Deri në edicionin e radhës !

Sot, Kryetari i Komunës së Dibrës, z. Fisnik Mela, mori pjesë në ekspozitën jubilare “30 Vjet Përkushtim për Emancipimin, Edukimin dhe Integrimin e Komunitetit Rom në Dibër”, organizuar nga Shoqata Humanitare e Bamirësisë së Romëve “Hëna” Dibër.

Ekspozita përfshiu mbi 300 fotografi dhe vizatime, të cilat pasqyrojnë veprimtarinë dhe arritjet 30-vjeçare të shoqatës.

Kryetari Mela përgëzoi organizatorët për punën dhe përkushtimin e tyre ndër vite, duke theksuar rëndësinë e kontributit të komunitetit rom në jetën shoqërore të Dibrës.

Kryetari i Komunës së Dibrës, z. Fisnik Mela, inspektoi nga afër punimet në terren, ku tashmë ka nisur asfaltimi i parkingjeve publike në qytet.

Ky projekt do të sjellë hapësira të reja dhe të rregulluara për parkim, duke lehtësuar qarkullimin dhe duke krijuar kushte më të mira për qytetarët dhe vizitorët.

Punimet po zhvillohen me ritëm të shpejtë dhe së shpejti qytetarët do të kenë në dispozicion parkingje të reja dhe më funksionale.

Komuna e Dibrës vazhdon me realizimin e projekteve konkrete për një qytet më të rregulluar dhe më funksional.

Në këtë aktivitet morën pjesë Kryeministri i Republikës së Maqedonisë së Veriut, Hristijan Mickoski, Ministri i Transportit, Aleksandar Nikoloski dhe Drejtori i Përgjithshëm i Ndërmarrjes për Ndërtim dhe Menaxhim me Hapësirat Banesore, Marjan Stefanovski.

Banesat u ndanë për përfituesit të cilët, në përputhje me thirrjen publike, kanë përmbushur kriteret e parapara. Në mesin e tyre janë persona pa zgjidhje strehimi, fëmijë pa prindër ose pa përkujdesje prindërore pas moshës 18-vjeçare, përfitues të ndihmës minimale të garantuar, si dhe persona të prekur nga fatkeqësi natyrore.

Në fjalën e tij, Kryetari i Komunës së Dibrës shprehu mirënjohje për mbështetjen e vazhdueshme të institucioneve qeveritare ndaj qytetit, duke theksuar se projekte të tilla ndikojnë drejtpërdrejt në përmirësimin e cilësisë së jetës së qytetarëve. Ai veçoi gjithashtu investimet që po realizohen në Dibër, përfshirë ndërtimin e bulevardit të ri pranë kësaj ndërtese, i cili financohet në kuadër të projekteve nga kredia hungareze, me një vlerë prej rreth 2 milionë euro për Komunën e Dibrës.

Komuna e Dibrës uron të gjithë përfituesit e banesave, duke u dëshiruar shëndet, mbarësi dhe gëzim në shtëpitë e tyre të reja.

Kryetari i Komunës së Dibrës, z. Fisnik Mela, inspektoi nga afër ecurinë e punimeve të asfaltimit që po realizohen në kuadër të projektit për rikonstruksionin e fushës sportive shumëfunksionale në SHFK “Riste Risteski” në fshatin Mogorçë.

Gjatë inspektimit, Kryetari u njoh me dinamikën e punimeve dhe theksoi se Komuna e Dibrës mbetet e përkushtuar në realizimin e projekteve që përmirësojnë infrastrukturën sportive dhe krijojnë kushte moderne për nxënësit, të rinjtë dhe banorët e fshatit.

Ky projekt financohet nga Buxheti i Komunës së Dibrës dhe është një tjetër investim që dëshmon angazhimin e komunës për zhvillimin e sportit dhe përmirësimin e kushteve të jetesës në çdo vendbanim.

Punimet po zhvillohen sipas planit dhe pritet të përfundojnë brenda afatit të paraparë, duke i dhënë Mogorçës një hapësirë moderne dhe funksionale për aktivitete sportive, rekreative dhe shkollore.

Nën organizimin e Shoqatës së Historianëve Dibran dhe me mbështetjen e Komunës së Dibrës, sot në sallën e Këshillit të Komunës së Dibrës u mbajt aktiviteti përkujtimor me rastin e 117-vjetorit të Kongresit të Dibrës, një nga ngjarjet më të rëndësishme të historisë kombëtare shqiptare.

Në këtë aktivitet morën pjesë historianë, studiues, përfaqësues institucionalë dhe qytetarë të shumtë.

Me kumtesat e tyre u paraqitën panelistët Sashenka Ndreka nga Tirana, Haki Pënezha nga Peshkopia, Qëndresa Paçuku nga Dibra, Ardian Limani nga Shkupi dhe Adhurim Kolari nga Dibra, të cilët trajtuan rëndësinë historike të Kongresit të Dibrës dhe ndikimin e tij në zhvillimin e arsimit, kulturës dhe identitetit kombëtar shqiptar.

Kongresi i Dibrës, i mbajtur në vitin 1909, zë një vend të veçantë në historinë shqiptare, pasi shënoi një moment të rëndësishëm në përpjekjet për përhapjen e arsimit në gjuhën shqipe dhe forcimin e vetëdijes kombëtare. Vendimet e këtij kongresi dhanë një kontribut të çmuar në ruajtjen dhe zhvillimin e gjuhës, kulturës dhe identitetit shqiptar.

Komuna e Dibrës mbetet e përkushtuar në ruajtjen, promovimin dhe nderimin e vlerave historike e kulturore, duke mbështetur aktivitete që forcojnë kujtesën historike dhe identitetin tonë kombëtar.

Në pajtim me nenin 44 paragrafi (7)  nga Ligji për planifikim urbanistik (Gaz. Zyrtare e  Republikës së Maqedonisë së Veriut nr. 32/20, 111/23, 171/24, 224/24, 40/25, 101/25, 127/25 dhe  134/26)  dhe me propozim te Komisionit për urbanizëm (10-210/5 од 20.07.2026), Kryarari i komunës Dibër  sjell si vijon :

AKTVENDIM

Për miratimin e Plan programit  për përpunimin e “NDRYSHIMIT DHE PLOTËSIMIT TË PLANIT GJENERAL URBANISTIK TË DIBRËS PËR BLLOKUN 5 DHE PLANIT DETAL URBANISTIK  PËR  BLlOKUN  5-  procedurë  e përbashkët  e  PGJU  dhe PDU,  KOMUNA  DIBËR

   Miratohet Plan programi  për përpunimin e “NDRYSHIMIT DHE PLOTËSIMIT TË PLANIT GJENERAL URBANISTIK TË DIBRËS PËR BLLOKUN 5 DHE PLANIT DETAL URBANISTIK  PËR  BLlOKUN  5-  procedurë  e përbashkët  e  PGJU  dhe PDU,  KOMUNA  DIBËR , të  punuar  nga  “TAJFA- PLAN” SHPK Shkup  085/08/25 nga Koriku i vitit 2026.

– Shtrirja e planifikuar e “NDRYSHIMIT DHE PLOTËSIMIT TË PLANIT GJENERAL URBANISTIK TË DIBRËS PËR BLLLOKUN 5 DHE PLANIT DETAL URBANISTIK  PËR  BLLOKUN  5-  procedurë  e përbashkët  e  PGJU  dhe PDU,  KOMUNA  DIBËR” është e definiuar me këta kufinj: veri rr. “Isa Boletini”-rrugë magjistrale me profil “M 2” sipas PGJU, veriperëndim rr. “ Jusuf Grvalla”,  jug rr. “Xafer Kodra”,  lindje rr. “101” – Rrugë servisi “SE 16) e projektuar (parashikuar) sipas PGJU. Sipëfaqja e përgithshme e pëfshirë në kuadër të kufinve të përshkruar është  7,11 ha.

Arsyetim

            Në pajtim   me  Programin   për përpunimin   e planeve   dhe dokumentacioneve   urbanistike në territorin  e  Komunës  Dibër  për   vitin   2025  (nr. Бр.. 08-806/15  dt.  30.12.2025),  është nisur procedura  për   përgatitjen  dhe miratimin  e   të Plan programit për  “NDRYSHIM DHE PLOTËSIM TË PLANIT GJENERAL URBANISTIK TË DIBRËS PËR BLlOKUN 5 DHE PLANIT DETAL URBANISTIK  PËR  BLLOKUN  5-  procedurë  e përbashkët  e  PGJU  dhe PDU,  KOMUNA  DIBËR”e  regjistruar me nr. 10-519/1 dt. 04.07.2025. Procedurë   që udhëhiqet përmes sistemit e-Urbanizëm për PP (2020)  me nr. 79390.

         Me kërkesën për nisjen e procedurës është bashkangjitur dokumetacioni si vijon:

–    Plan programi për  “NDRYSHIM DHE PLOTËSIM TË PLANIT GJENERAL URBANISTIK TË DIBRËS PËR BLlOKUN 5 DHE PLANIT DETAL URBANISTIK  PËR  BLLOKUN  5-  procedurë  e përbashkët  e  PGJU  dhe PDU,  KOMUNA  DIBËR”   me   nr.   tek.   085/08/25 од Korik  2026 , punuar nga nga TAJFA- PLAN” ShPK Shkup.    

• Elaborat gjeodezik  për punë gjeodezike për qëllime të veçanta për baza  gjeodezike të azhurnuara, të përgatitura nga GEOMATIKA DOO Shkup, me numër lënde: 0801-168/3-2025 dt.  18.07.2025.

– Programi për përgatitjen e planeve urbanistike dhe dokumentacionit urbanistik në territorin e Komunës së Dibrës për vitin 2026. Nr. 08-806/15 e datës 30.12.2025

–  Propozim për miratimin e Plan programit për  “NDRYSHIM DHE PLOTËSIM TË PLANIT GJENERAL URBANISTIK TË DIBRËS PËR BLlOKUN 5 DHE PLANIT DETAL URBANISTIK  PËR  BLLOKUN  5-  procedurë  e përbashkët  e  PGJU  dhe PDU,  KOMUNA  DIBËR”  ,   nga TAJFA- PLAN” ShPK Shkup, nr. 10-210/5 dt. 20.07.2026, nga Komisioni për Urbanizëm.

  Kryetari i Komunës Dibër,  pasi bëri këqyrjen në dokumentacionin e parashtruar konstatoi se kërkesa është e bazuar dhe se janë të plotësuara kushtet se në pajtim me nenin 44 paragrafi (7) nga Ligji për planifikim urbanistik (Gaz. Zyrtare e  Republikës së Maqedonisë së Veriut nr. 32/20, 111/23, 171/24, 224/24, 40/25, 101/25, 127/25 dhe 134/26), dhe  në bazë të kësaj, është sjellë aktvendimi si në dispozitiv.

UDHËZIM PËR MJETE  JURIDIKE :

 Kundër këtij Aktvendimi, kërkuesi mundet të parashtrojë  ankesë në afat prej 15 ditësh nga dita e pranimit të këtij Aktvendimi deri te ministri i cili udhëheq me organin e administratës shtetërore kompetent për kryerjen e punëve në sferën e rregulimit të hapësirës.

AKTVENDIM – Për miratimin e Plan programit  për përpunimin e “NDRYSHIMIT DHE PLOTËSIMIT TË PLANIT GJENERAL URBANISTIK TË DIBRËS PËR BLLOKUN 5 DHE PLANIT DETAL URBANISTIK  PËR  BLlOKUN  5-  procedurë  e përbashkët  e  PGJU  dhe PDU,  KOMUNA  DIBËR

PROGRAM PLANOR PËR HARTIMIN E NDRYSHIMIT DHE PLOTËSIMIT TË PLANIT TË PËRGJITHSHËM URBANISTIK TË DIBRËS PËR BLLOKUN 5 DHE PLANIT TË DETAJUAR URBANISTIK PËR BLLOKUN 5 – PROCEDURË E BASHKUAR E PLANIT TË PËRGJITHSHËM URBANISTIK (PPU) DHE PLANIT TË DETAJUAR URBANISTIK (PDU), KOMUNA E DIBRËS.